Уйбаан Ороһуунускай аатынан модельнай библиотека,»Күбэйэ» эбээлэр түмсүүлэрэ «Далбар Хотун» сурунаал 30 сылынан, Айыыһыт ыйынан түөлбэлэр икки ардыларыгар сурунаал «Сандалы » балаһатын рецептэринэн ас астаан аҕалан, салабаар тула олорон чэйдээтибит.
Минньигэс аһынан күндүлээбит Соломова Г.И., Никонова Е.Ф, Додосова С.Т.,Котоконова Н.В.,Котоконова Г.К,Колосова М.К., Крылатова М.К, Будищева А.С,Пахомова П.Э., нэһилиэк баһылыгын солбуйааччыта Ильина А.К., сүрүн исписэлииһэ Томская Л.И. анал бириис туттартаатылар.
Библиотекарбыт Марианна Афанасьевна Саввинованы Үөһээ Бүлүү улууһун далбар хотуттарын аатыттан өрөспүүбүлүкэтээҕи «Далбар хотун» күрэҕэр ситиһиилээхтик кыттан кэлэригэр, видео ыытан, эҕэрдэбитин тиэртибит. Итии үүттээх, минньигэс ас тула сурунаал балаһаларынан истиҥ сэһэргэһии тардылынна. Эдэркээн кыыспытыгар Жанна Ивановаҕа кыыс оҕоломмутунан эҕэрдэбитин ыыттыбыт.
Оҕо сааспытын санаан » төлөппүөннээх » оонньоотубут, биһилэх кутуһан , ыстырааптанан ырыа, хоһоон ааҕан ыллыбыт. Ону таһынан таба быраҕыы, ким түргэнник быаны ыйыллыбыт кээмэйгэ аҕалар диэн түргэн-тарҕан туттунуулаах оонньуу оонньонно.
Ити курдук,биир сэргэх күн ааһан, сүргэбит көтөҕүлүннэ.
Нина Михайлова